Расклад катэхез 2014 - 2015

ПАЧАТАК ЗАНЯТКАЎ З 4 КАСТРЫЧНІКА

З 19 па 31 ліпеня група дзяцей і моладзі нашай парафіі, якія прымалі ўдзел у Міжнароднай Парафіядзе ў Варшаве, адпачывалі ў гарах у мястэчку Паронін каля горада Закапанэ. Праграма адпачынку ўключала фізічнае аздараўленне, духоўны ўзрост і знаёмства з культурай і побытам паўднёвай часткі Польшчы.

З 18 па 23 жніўня дзеці і моладзь нашай парафіі сабраліся “ў гасцях” у Маці Божай Будслаўскай на час духоўных практыкаванняў. Падобныя рэкалекцыі ў Будславе перад пачаткам навучальнага года сталі ўжо добрай традыцыяй нашай парафіі. Дзеці і моладзь на працягу ўсяго года чакаюць гэтых незвычайных дзён, праведзеных побач з Нябеснай Матуляй у Будслаўскім Санктуарыі.

З 15 па 17 жніўня ў Будславе адбыліся рэкалекцыі парафіяльнага хору "Angeli", якія распачаліся святой Імшой ў пятніцу  позна вечарам. Будслаўская  базыліка, напоўненая незвычайнай для гэтага месца цішынёй, падалася ўдзельнікам хору яшчэ больш велічнай. Стоячы ў прэзбітэрыум, так блізка  цудоўнага абраза Маці Божай, св. Імша перажывалася вельмі глыбока, з хваляваннем.

Многія з нашых пілігрымаў першы раз наведалі Чэнстахову, але і для тых, хто ўжо тут быў, гэта было радасцю, бо ў Чэнстахову хочацца заўсёды, тут своеасаблівая духоўная атмасфера.  Маці Божая Чэнстахоўская – Чорная Мадонна, як тут яе называюць з-за цёмнага колеру абраза – спаглядае на нас,  нібы запрашаючы да размовы.

З 13 па 18 ліпеня дзеці і моладзь нашай парафіі прынялі ўдзел у 26 Міжнароднай Парафіядзе дзяцей і моладзі ў Варшаве.

У нашай парафіі ёсць добрая традыцыя: кожны год напрыканцы вясны альбо пачатку лета адпраўляцца ў аўтобусную пілігрымку па святынях іншых краін. У мінулыя гады нашыя парафіяне наведалі святыя мясціны Польшы, Літвы, Латвіі. У гэтым годзе мы мелі вельмі цікавае  падарожжа па святых мясцінах Італіі. Маршрут наш пралягаў праз Чэнстахову, Вену, Рым (канешне ж Ватыкан), Асізі, Падую, Венецыю. Усе гэтыя мясціны пакінулі ў нашых сэрцах незабыўныя  ўражанні. Час ідзе, а мы ў думках зноў і зноў вяртаемся ў тыя майскія дні на італьянскай зямлі, дзякуючы Пану Богу за так вялікую ласку для нас, за ўдалую пілігрымку, падчас якой душы нашыя “купаліся” у  духоўнасці і прыгажосці наведваемых мясцін.  Не пакідае жаданне падзяліцца тым, што бачылі,  з іншымі, хто яшчэ толькі марыць убачыць і перажыць тое, што з ласкі Божай атрымалі мы.   Такім чынам...8 мая, вечар, падарожжа распачынаецца. Нас 91, на двух аўтобусах мы вырушаем з Вілейкі.

Маці Будслаўская, Маці святая, перад Табою галовы схіляем… 

         Каму не вядомы гэты спеў?! Але найбольшай сілы ён набірае ў першыя дні ліпеня, калі сотні, тысячы пілігрымаў крочаць сцежкамі, дарогамі да Маці Божай у Будслаў. 

22 чэрвеня кс. Раман Суша цэлебраваў першую ў сваім жыцці Св. Імшу ў родным Касцёле Узвышэння Св. Крыжа ў Вілейцы.

21 чэрвеня 2014 года ў архікатэдральным касцёле імя Насвяцейшай Панны Марыі ў Мінску наш парафіянін Раман Суша разам з двума дыяканамі атрымаў святарскае пасвячэнне, якое ўдзяліў Мітрапаліт Мінска-Магілёўскі арцыбіскуп Тадэвуш Кандрусевіч.