Святая Імша на гэтым тыдні: У панядзелак, сераду і пятніцу ў 9.00. У аўторак, у свята Нараджэння Найсвяцейшай Панны Марыі, у 12.00 і 18.00. У чацвер у 18.00. У суботу за памерлых у 10.00. У наступную нядзелю ў 10.00, 12.00 і 18.00

Фэст нашай парафіі, Узвышэнне Святога Крыжа, распачнём святкаваць у нядзелю 13 верасня ў 19.00 асвячэннем прыдарожнага Крыжа на Волкаўшчыне па вул. Чкалава.

У панядзелак 14 верасня, урачыстасць Узвышэння Святога Крыжа:

12.00 – Святая Імша

15.00-18.00 – Адарацыя Найсвяцейшага Сакрамэнта. З 15.00 да 16.00 адарацыю праводзяць нашыя старэйшыя парафіяне, з 16.00 да 17.00 адарацыя ў цішыні, з 17.00 да 17.45 – Легіон Марыі. У гэтым часе будзе магчымасць Споведзі.

18.00 – Адпустовая Святая Імша. Інтэнцыя Святой Імшы аб здароўе, Божае благаславенне і падзяка за атрыманыя ласкі мінулага года. Картачкі з просьбамі можна пераказваць у сакрыстыю пачынаючы з сёняшняга дня. Літургію ўзначаліць і прамовіць казанне Ксёндз Андрэй Рылка — канцлер Курыі Пінскай дыяцэзіі, магістр тэалогіі
і філасофіі, дактарант філасофскага факультэта Люблінскага
каталіцкага ўніверсітэта імя Яна Паўла ІІ. Таксама будуць запрошаныя святары з нашага дэканата.

Заняткі па рэлігіі распачнуцца 3 кастрычніка. Просім ўзяць з сабою анкету ўдзельніка, запоўніць яе і пераказаць у сакрыстыю.

Дзякуем за ўсе ахвяраванні на ўтрыманне святыні, за працу і малітвы.

Святая Імша на гэтым тыдні: У панядзелак, сераду і пятніцу ў 9.00. У аўторак і чацвер у 18.00. У суботу ў 10.00 за памерлых.  У наступную нядзелю ў 10.00, 12.00 і 18.00.

29 жніўня, у суботу, запрашаем дзяцей, моладзь, дарослых, малітоўныя групы, міністрантаў, хор, школьнікаў і студэнтаў паехаць у Будслаў, каб маліцца каля абраза Маці Божай і прасіць Бога аб благаславенне праз Яе заступніцтва на новы навучальны год. Выезд з Вілейкі цягніком у 8.55. Набываем самастойна білет да станцыі Будслаў. Вяртаемся ў Вілейку вечарам.

У нядзелю 6 верасня ў 10.00 распачнём новы школьны навучальны год з асвячэннем школьных прыналежнасцяў і індывідуальным благаславеннем. Запрашаем школьнікаў з бацькамі, студэнтаў, а таксама настаўнікаў і выхаваўцаў.

Дзякуем за за ахвяраванні на ўтрыманне святыні, за працу і малітвы. 

Святая Імша на гэтым тыдні: У панядзелак, сераду і пятніцу ў 9.00. У аўторак і чацвер у 18.00. У суботу, ва ўрачыстасць абавязковую Унебаўзяцця Найсвяцейшай Панны Марыі, у 10.00 (за памерлых), у 12.00 і 18.00. Падчас кожнай Святой Імшы адбудзецца асвячэнне садавіны і гародніны. Урачыстасць “абавязковая” азначае, што мы маем абавязак удзелу ў Святой Імшы, а таксама павінны ўстрымацца ад выканання той працы, якую можам перанесці на іншы дзень.

У наступную нядзелю ў 10.00, 12.00 і 18.00.

29 жніўня, у суботу, запрашаем дзяцей, моладзь, дарослых, малітоўныя групы, міністрантаў, хор, школьнікаў і студэнтаў паехаць у Будслаў, каб маліцца каля абраза Маці Божай і прасіць Бога аб благаславенне праз Яе заступніцтва на новы навучальны год. Выезд з Вілейкі цягніком у 8.55. Набываем самастойна білет да станцыі Будслаў. Вяртаемся ў Вілейку вечарам.

У нядзелю 6 верасня ў 10.00 распачнём новы школьны навучальны год з асвячэннем школьных прыналежнасцяў і індывідуальным благаславеннем. Запрашаем школьнікаў з бацькамі, студэнтаў, а таксама настаўнікаў і выхаваўцаў.

Праз тыдзень завершым збор ахвяраванняў для касцёлаў у патрэбе для нашай Мінска-Магілёўскай архідыяцэзіі. Ахвяраванні на гэтую мэту будуць збірацца ў наступную нядзелю пасля кожнай Святой Імшы пры выхадзе з касцёла.

У чацвер 13 жніўня ў 19.00 запрашаю сабрацца ўсіх жыхароў Волкаўшчыны каля таго месца, дзе стаяў каталіцкі Крыж. Падчас апошняга урагану драўляны Крыж упаў. Ён там прастаяў больш чым 20 гадоў. Запрашаю сабрацца разам, каб прыняць рашэнне па ўстаноўцы новага Крыжа і добраўпарадкаванні тэрыторыі вакол яго.

Запрашаю у аўторак на Святую Імшу ў 18.00, каб разам са мною падзякваць Богу за 50 год жыцця. Пасля, усіх без выключэння, запрашаю на пачастунак у дворык каля парафіяльнага дома.

Дзякуем за за ахвяраванні на ўтрыманне святыні, за працу і малітвы.