Святая Імша на гэтым тыдні: у панядзелак у 9.00, у аўторак і пятніцу ў 9.00 і 18.00, у чацвер у 18.00. У суботу, складковая за памерлых, у 10.00. У сераду Святой Імшы не будзе. У наступную нядзелю, ВА ЎРАЧЫСТАСЦЬ СПАСЛАННЯ ДУХА СВЯТОГА: у 10.00, 12.00 і 18.00.

Кожны дзень пасля Святой Імшы будуць адбывацца маёвыя набажэнствы і навэнна да Духа Святога.

У наступную нядзелю падчас Святой Імшы на 10.00 адбудзецца ўрачыстасць Першай Святой Камуніі. Запрашаем не толькі бацькоў і родных гэтых дзяцей, але і ўсю парафію. Гэта свята заўтрашняга дня Касцёла. Для Першакамунійных дзяцей у суботу ў 15.00 – генеральная рэпетыцыя, 16.00 – Першая Споведзь.

Урокі рэлігіі для дзяцей і моладзі завершыліся ўчора. Але шчыра запрашаем усіх удзельнікаў катэхізацыі ў суботу на 18.00 у дворык за парафіяльным домам. Там вас чакае супольны адпачынак, малітва і пачастунак. Таксама ўсіх дзяцей і моладзь чакаем ў нядзелю на Святой Імшы ў 10.00, каб урачыста закончыць навучальны год.

У наступную суботу, 19 мая, у 11.00 у нашым касцёле адбудзецца выступленне Заслужанага калектыва “Нацыянальнага акадэмічнага аркестра Беларусі” пад кіраўніцтвам мастацкага кіраўніка, народнага артыста Беларусі Міхаіла Фінберга. У выкананні струннага аркестра і вакальнага ансамбля прагучаць творы кампазітараў 17-19 стагоддзяў, хор выканае беларускія канты і псальмы, і іншыя рэлігійныя творы.

У аўторак, 15 мая, ў 19.00 у парафіяльным доме адбудзецца сустрэча з бацькамі тых дзяцей, якія ў гэтым годзе прадставяць вілейскую парафію на Міжнароднай парафіядзе ў Варшаве. Прысутнасць бацькоў абавязковая.

З 1 па 3 чэрвеня ў парафіяльным доме адбудуцца рэкалекцыі дзённага прабывання для дзяўчат. Запісацца на рэкалекцыі можна ў настаўніц па рэлігіі.

Прыпамінаем, што працэсія Божага Цела па вуліцах горада адбудзецца 3 чэрвеня ў 10.00. Варта ўжо сёння планаваць свой час, каб ніякія іншыя абавязкі не перашкодзілі нам у гэтай урачыстасці.

Дзякую за ўсе ахвяраванні, за працу і малітвы якімі вы прычыняецеся да ўтрымання нашай святыні. 

Святая Імша на гэтым тыдні: Ад панядзелка да пятніцы ў 9.00 і 18.00. Толькі у чацвер, ва ўрачыстасць Унебаўшэсця Езуса Хрыста, у 12.00 і 18.00. Прыпамінаем, што ўрачыстасць Унебаўшэсця Езуса Хрыста, з’яўляецца абавязкой і нам належыць устрымацца ад працы, якую можам перанесці на іншы дзень, а таксама трэба прыняць удзел у Святой Імшы. У суботу, складковая за памерлых, у 10.00 і таксама адбудзецца Святая Імша за кс. Валер’яна Голіка, якую ўзначаліць Яго Эксцэленцыя бп Юрый Касабуцкі. Пасля Святой Імшы ў працэсіі мы накіруемся на могілкі па вул. 1 Мая і там адбудзецца асвячэнне новага помніка. Шчыра запрашаем усю парафію на гэтую ўрачыстасць. У наступную нядзелю: у 10.00, 12.00 і 18.00.

У месяцы маі кожны дзень пасля Святой Імшы адбываюцца маёвыя набажэнствы. У часе набажэнства будзем узносіць малітвы да Езуса, прысутнага ў Найсвяцейшым Сакрамэнце, праз заступніцтва Панны Марыі спяваючы Ларэтанскую Літанію. З 11 па 19 мая разам з маёвым набажэнствам будзе адбывацца і навэнна да Духа Святога. Заахвочваем прыходзіць на гэтыя набажэнствы.

Урокі рэлігіі для дзяцей і моладзі адбудуцца згодна з раскладам у суботу 12 мая.

Экзамен для дзяцей перад Першай Святой Камуніяй адбудзецца ў пятніцу 11 мая ў 10.00 альбо 16.30. А ў суботу, 12 мая, у 18.00 – адбудзецца першая рэпетыцыя ўрачыстасці Першай Святой Камуніі.

9 мая ў 11.00 у Далгінава адбудзецца фэст у гонар святога Станіслава.

11 мая ў 17.00 запрашаем дапамагчы зрабіць уборку каля магілы кс. Валер’яна Голіка перад урачыстасцю асвячэння.

19 мая ў 11.00 у нашым касцёле адбудзецца выступленне Заслужанага калектыва “Нацыянальнага акадэмічнага аркестра Беларусі” пад кіраўніцтвам мастацкага кіраўніка, народнага артыста Беларусі Міхаіла Фінберга. У выкананні струннага аркестра і вакальнага ансамбля прагучаць творы кампазітараў 17-19 стагоддзяў, хор выканае беларускія канты і псальмы, і іншыя рэлігійныя творы.

Дзякую за ўсе ахвяраванні, за працу і малітвы якімі вы прычыняецеся да ўтрымання нашай святыні.

Святая Імша на гэтым тыдні: у панядзелак, аўторак і сераду ў 9.00; у чацвер і пятніцу ў 9.00 і 18.00, у суботу, складковая за памерлых, у 10.00. У наступную нядзелю: у 10.00, 12.00 і 18.00.

На гэтым тыдні:

У аўторак, 1 мая, успамін святога Юзафа, рамесніка

У чацвер, 3 мая, свята святых Філіпа і Якуба, Апосталаў

У месяцы маі кожны дзень пасля Святой Імшы адбываюцца маёвыя набажэнствы. У часе набажэнства будзем узносіць малітвы да Езуса, прысутнага ў Найсвяцейшым Сакрамэнце, праз заступніцтва Панны Марыі спяваючы Ларэтанскую Літанію. Заахвочваем прыходзіць на гэтыя набажэнствы.

Урокі рэлігіі для дзяцей і моладзі адбудуцца згодна з раскладам у суботу 5 мая.

13 мая 2018 года прыпадае 70-я гадавіна мучаніцкай смерці кс. Валер’яна Голіка, які загінуў у вілейскай турме 13 мая 1948 г і пахаваны на могілках па вул. 1 Мая. 12 мая, у суботу, у 10.00 адбудзецца Святая Імша за кс. Валер’яна Голіка, якую ўзначаліць Яго Эксцэленцыя бп Юрый Касабуцкі. Пасля Святой Імшы ў працэсіі мы накіруемся на могілкі па вул. 1 Мая і там адбудзецца асвячэнне новага помніка. Шчыра запрашаем усю парафію на гэтую ўрачыстасць.

Дзякую за ўсе ахвяраванні, за працу і малітвы якімі вы прычыняецеся да ўтрымання нашай святыні.