У месяцы чэрвені 2012 года будзем асаблівым чынам памятаць у нашых малітвах аб інтэнцыях Святога Айца Бенедыкта XVI:

Агульная: Каб веруючыя маглі распазнаваць у Эўхарыстыі жывую прысутнасць Увас крослага, які таварышыць ім у штодзённым жыцці.

Місійная: Каб хрысціяне ў Еўропе адкрылі нанова сваю ідэнтычнасць і з большым  запалам удзельнічалі ў абвяшчэнні Евангелля.

Парафіяльная інтэнцыя гучыць наступным чынам: Каб дзеці і моладзь падчас летніх канікулаў няспынна жылі з Богам.

Як ужо паведамлялася раней, 16 чэрвеня 2012 г а 18.00 плануецца святарскае пасвячэнне дыякана Кірыла Бардонава, а таксама дыяканскае пасвячэнне клерыка Міхала Бубена.

Заклікаем Вас, дарагія браты і сёстры,  малітоўна падтрымаць дыякана Кірыла і клерыка Міхала, каб прыняўшы пасвячэнні маглі быць добрымі слугамі ў Касцёле!
Каб кожны жадаючы мог прыняць удзел у пасвячэнні, парафія арганізоўвае аўтобусную паездку ў Мінск. Выезд адбудзецца 16 чэрвеня ў 15.00 і вяртаемся адразу пасля заканчэння ўрачыстасці. 

17 чэрвеня ў нашым касцёле адбудзецца Прыміцыйная, гэта значыць першая Святая Імша будучага ксяндза Кірыла. Пачатак урачыстасці адбудзецца ў 9.20 каля бацькоўскага дома па вул. 17 Верасня 31. Далей адбудзецца працэсія з прыміцыянтам да касцёла. У 10.00 распачнецца Святая Імша, на прыканцы якой будзе ўдзеленае благаславенне з рук прыміцыянта.

У 16.00 у Вілейскім доме культуры адбудзецца канцэрт семінарыйнага музычнага гурта “Подых Духа”.
Пасля заканчэння канцэрта каля парафіяльнага дома адбудзецца пачастунак для дзяцей, моладзі, хораў і для ўсіх жадаючых.

Шчыра запрашаем усіх парафіянаў прыняць актыўны ўдзел ва ўрачыстасцях!
 

“Спартыўная актыўнасць належыць да сродкаў, якія вядуць да гарманічнага развіцця асобы" - сказаў Папа Рымскі Бэнедыкт XVI.

29 мая 2012 года плануецца спартыўная сустрэча па міні-футболу нашых парафіянаў з камандай святароў Мінска-Магілёўскай архідыяцэзіі. Спатканне распачнецца каля 20:00 у Фізкультурна-аздараўленчым комплексе на вул. Талстога 55. 

Сардэчна запрашаем падтрымаць удзельнікаў спаткання сваёй прысутнасцю і малітвай!

Больш падрабязную інфармацыю можна знайсці тут

кс. Андрэй

ІІІ Парафіяда Мінска-Магілёўскай Архідыяцэзіі пройдзе 23-26 жніўня 2012 г. ў Івянцы. 

Парафіяда - адукацыйна-выхаваўчы праект, які рэалізуецца на падставе трыяды: святыня-тэатр-стадыён.

Святыня – праграма рэалізуецца праз: актыўны ўдзел у ранішніх і вячэрніх малітвах, дзейсны ўдзел у святой Імшы, індывідуальныя малітвы удзельнікаў Парафіяды, конкурс біблійных ведаў, добры настрой.

Тэатр – праграма ахоплівае спаборніцтвы ў наступных конкурсах: конкурс малюнка, рэлігійнай песні “Sacro Song”, конкурса песні “Песня ў маім жыцці”, тэатральная пастаноўка,

Стадыён– праграма ахоплівае спартыўнае спаборніцтва ў наступных відах: валейбол, міні-футбол, настольны тэніс, эстафета, паласа перашкод, бег на кароткія і сярэднія дыстанцыі.

III ПАРАФІЯДА  МІНСКА-МАГІЛЁЎСКАЙ АРХІДЫЯЦЭЗІІ

“Моцныя верай”

Тэатр – Святыня – Спорт

Івянец,23-26 жніўня 2012г.

Праграма мерапрыемства:

23.08.2012г., чацвер

• 14.00 - 17.00– прыезд і рэгістрацыя удзельнікаў, размяшчэнне на начлег
• 17.30– спатканне з кіраўнікамі груп, жэраб’ёўка (па усім конкурсам і спаборніцтвам)
• 18.45– падрыхтоўка да Літургіі
• 19.00– св. Імша
• 20.00– вольны час
• 21.00– канцэрт, вясёлы вечар – прадстаўленне каманд (вялікая зала)
• 22.55– супольная малітва, адпачынак

24.08.2012г., пятніца

• 8.00– ранішнія малітвы
• 8.10– падрыхтоўка да Імшы
• 8.15– св. Імша
• 9.00– снеданне
• 10.00– Спаборніцтвы групы А,В,С (стадыён)

                - бег 60/100 м. (дзяўчаты/ хлопцы)

                - бег 300/600 м

                - настольны тэніс (Вялікая зала) 

• 14.00– абед, вольны час
• 15.30– Спаборніцтвы (вялікая зала)

                 - настольны тэніс фінал

                 - валейбол

• 18.00– конкурс біблійных ведаў (групы А,В,С) (вялікая зала)
• 19.00– вячэра
• 19.30– міні-футбол
• 21.00– тэатральныя пастаноўкі каманд (вялікая зала)
• 22.30– малітва, адпачынак

25.08.2012г., субота

• 8.00– ранішнія малітвы
• 8.15– св. Імша
• 9.00– снеданне
• 10.00– Спаборніцтвы (стадыён)

               - Эстафета 2/2 (хлопчык/дзяўчынка прадстаўнікі каманд)

• 11.00-  валейбол
• 12.30 - міні-футбол
• 14.00– абед, вольны час
• 15.00– конкурс малюнка (вялікая зала)
• 16.30– прадстаўленне малюнка камандамі
• 17.00– паласа перашкод (каманда 2/2) (палатачны гарадок)
• 19.00– вячэра
• 20.00– конкурс рэлігійнай песні “Sacro Song” (вялікая зала)

- конкурс свецкай песні “Песня ў маім жыцці” (вялікая зала)

• 22.30– малітва, адпачынак

26.06.2011г., нядзеля

• 8.00– ранішнія малітвы
• 8.30– снеданне, падрыхтоўка да св. Імшы
• 10.00– св. Імша
• 11.00- ўручэнне узнагарод, благаслаўленне на заканчэнне Парафіяды і супольны фотаздымак
• 13.00– абед (паведаміць хто застаецца на абед), раз’езд

ПРАВІЛЫ ЎДЗЕЛУ Ў ПАРАФІЯДЗЕ:

• Парафія прадстаўляе каманду з 12 чалавек, якая удзельнічае
  ў 3-ох групах: А, В, С (група А – узрост 11-12, група В – узрост 13-14, група С – узрост 15-16), у кожнай групе па 4 асобы (2 хлопцы і 2 дзяўчыны).
• каб каманда магла прыняць удзел ва ўсіх конкурсах і спаборніцтвах, яна  павінна складацца мінімальна з 4 асоб, 2 хлопчыка і 2 дзяўчынкі.
• Пры падвядзенні агульнага выніка улічваецца каманда, якая была прадстаўлена ва ўсіх групах. Калі няма магчымасці прадставіць поўную каманду, то каманда выступае у акрэсленых групах.
• Парафія можа прадставіць некалькі поўных каманд.
• Для ўдзелу ў Парафіядзе неабходна да 1 жніўня прадставіць заяву на  электронную скрынку Этот адрес электронной почты защищен от спам-ботов. У вас должен быть включен JavaScript для просмотра. .
• пражыванне ў палатках (па-магчымасці просім прывесці свае палаткі і спальныя мяшкі)
• арганізатары запаўняюць харчаванне на гэтыя дні
• кошт удзелу 20 тыс.бел.рублёў з асобы

Шчыра запрашаем моладзь нашай парафіі прыняць удзел у мерапрыемстве. Зацікаўленым вялікая просьба звяртацца да кс. Аляксандра і кс. Андрэя.

Падрабязную інфармацыю аб ІІІ Парафіядзе можна знайсці тут 
 

3 мая 2012 г. Апостальскі нунцый у Беларусі арцыбіскуп Клаўдыё Гуджэроцці абвясціў волю папы Бэнэдыкта XVI аб прызначэнні ардынарыем Пінскай дыяцэзіі біскупа Антонія Дзям’янкі.

16 чэрвеня 2012 г. у 10.00 у пінскай катэдры адбудзецца цырымонія кананічнага ўступлення біскупа Антонія Дзям'янкі на пасаду ардынарыя Пінскай дыяцэзіі. 

Месяц май у Каталіцкім Касцёле асаблівым чынам прысвечаны ўшанаванню Найсвяцейшай Панны Марыі. Маёвыя набажэнствы маюць вельмі багатую гісторыю, якая пачынаецца яшчэ ў Егіпце. Ужо ў V стагоддзі хрысціяне (копты) збіраліся на працягу ўсяго месяца мая, каб спяваць песні ў гонар Марыі. Упершыню май быў названы месяцам Марыі ў 1549 г. у Германіі ў кнізе «Май духоўны». У 1814 г. папа Пій VII выдаў булу, у якой адобрыў практыкаванне маёвых набажэнстваў. Папа Пій IX заахвоціў праводзіць гэту малітоўную практыку з выстаўленнем Найсвяцейшага Сакрамэнту. Афіцыйнае папскае адабрэнне маёвых набажэнстваў паспрыяла іх распаўсюджванню ў Касцёле. З часам з’явіўся звычай праводзіць набажэнствы каля прыдарожных каплічак, бо некаторым вернікам было далёка дабірацца да касцёла.
Вельмі важна практыкаваць маёвыя набажэнствы і сёння, запрашаць і заахвочваць іншых, асабліва дзяцей і моладзь, да ўдзелу ў гэтай малітве. Звычайна падчас мёвых набажэнстваў чытаецца або спяваецца Літанія да Найсвяцейшай Панны Марыi (Ларэтанская).

Маёвыя набажэнствы ў нашай парафіі адбываюцца штодзённа: у буднія дні - пасля Святой Імшы а 18.00, у суботу - пасля святой Імшы а 10.00, у нядзелю - пасля святой імшы а 10.00.

Паважаныя удзельнікі малітоўных супольнасцей Жывога ружанца, у красавіку запрашаем маліцца ўасаблівым чынам ў наступных інтэнцыях:

Агульная: Каб многа маладых людзей змагло адказаць на заклік Хрыста і наследаваць Яго на шляху святарства і манаскага жыцця. 

Місійная: Каб уваскрослы Хрыстос быў знакам надзеі для жыхароў афрыканскага кантынента.

Парафіяльная: Аб плённым перажыванні Вялікоднага перыеду.

Хрыстос уваскрос! Сапраўды ўваскрос!

Дарагія сябры! Віншуем Вас з радасным святам Пасхі – Перамогі Хрыста над грахом і смерцю! Няхай радаснае «Алелюя» загучыць у нашых сэрцах, няхай закране кожнага чалавека, няхай адорыць усіх новым жыццём ва ўваскрослым Хрысце!

Хрыстос уваскрос! Сапраўды ўваскрос! І мы можам з Ім, у Ім і праз Яго ўваскрэснуць да новага жыцця ў Божай ласцы!

Сёння, 29 сакавіка, распачаліся велікапостныя рэкалекцыі ў нашай парафіі, якія падрыхтуюць нас да самых галоўных святаў для хрысціянаў - святаў Вялікадня, Перамогі Хрыста над смерцю і грахом.

Духоўныя практыкаванні праводзіць кс. Адам Дынак, душпастыр парафіі св. Юзафа ў г. Крупкі.

Выкарыстаем жа гэты Богам дадзены час належным чынам, каб стаць бліжэй да Бога, які заўсёды чакае на нас! 

Расклад рэкалекцый:
 

Чацвер - 29 сакавіка

• 9.00- КРЫЖОВЫ ШЛЯХ
• 10.00- святая Імша
• 17.00- КРЫЖОВЫ ШЛЯХ
• 18.00- святая Імша

Пятніца - 30 сакавіка

• 9.00 - КРЫЖОВЫ ШЛЯХ
• 10.00 - святая Імша
• 19.00– КРЫЖОВЫ ШЛЯХ

Субота - 31 сакавіка

• 9.00- КРЫЖОВЫ ШЛЯХ
• 10.00- святая Імша(складковая за памерлых)
• 16.15- ПАКУТНАЕ НАБАЖЭНСТВА
• 17.00- святая Імша

28 сакавіка міністранты і кандыдаты нашай парафіі на чале з кс. Андрэем і кл. Міхалам прынялі ўдзел у традыцыйных сустрэчах Літургічнай Службы Алтара, арганізаваныя ў нашай Архідыяцэзіі. Спатканне адбылося ў парафіі святога Юзафа ў Маладзечне. Тэмай сустрэчы стаў Пасхальны Трыдыум.

З нашай парафіяльнай супольнасці у спатканні прынялі ўдзел:

• Павел Качкан
• Павел Клементовіч
• Аляксандр Бяліцкі
• Андрэй Емельянаў
• Іван Крупенчык
• Аляксандр Крупенчык
• Аляксандр Церах
• Мікалай Томкавіч
• Уладыслаў Балаш
• Мікіта Зяновіч
• Раман Жураўскі

Шчыра дзякуем усім, хто далучыўся да гэтай душпастырскай акцыі!

Фотарэпартаж можна праглядзець тут