Дапаможны біскуп Мінска-Магілёўскай архідыяцэзіі наведаў новаадбудаваны парафіяльны касцёл, які быў асвечаны ў маі бягучага года, і паразмаўляў з вернікамі куранецкай парафіі  Марыі, Маці Касцёла. Падчас сутрэчы іерарх узгадаў гісторыю і выказаў сваю радасць за адраджэнне рэлігійнага жыцця ў Куранцы. Біскуп Юрый Касабуцкі павіншаваў вернікаў з тым, што сёння яны маюць сваё месца малітвы і сустрэчы з Езусам Хрыстом, і пажадаў ім заўсёды жыць з Богам. Напрыканцы сустрэчы ўсе прысутныя звярнуліся да Бога праз заступніцтва Марыі словамі Ларэтанскай літаніі.

А 15 гадзіне біскуп Юрый Касабуцкі наведаў парафію пал тытулам Божай Міласэрнасці ў Любані. Парафіяне з хлебам і соллю сустрэлі свайго пастыра і падзякавалі за магчымасць супольнай малітвы ў апошні дзень Надзвычайнага Года Міласэрнасці. Іерарх паразважаў з парафіянамі аб Божым Валадарстве, дзе для кожнага падрыхтавана месца, і пажадаў усім вернікам шчодрых ласк Езуса Міласэрнага.