Напачатку Літургіі кс. Аляксандр распавёў дзецям пра тое, што падчас кожнай Святой Імшы адбываецца вялікі цуд: сам Езус Хрыстус прыходзіць да нас у постаці хлеба і віна.

Падчас казання ксёндз-пробашч заахвоціў дзяцей пастаянна станавіцца лепшымі і вучыцца сапраўднаму сяброўству з Богам і людзьмі.

Маленькія парафіяне з вялікай радасцю і ахвотай падрыхтавалі чытанне і псальм, а таксама малітву верных, працэсію з дарамі, прыгожыя і шчырыя спевы на Святую Імшу.

Напрыканцы Літургіі  кс. Аляксандр падзякаваў Богу за завершаны катэхетычны год і выказаў словы ўдзячнасці настаўніцы па рэлігіі Анне, якая з вялікай радасцю працавала з дзецьмі ўвесь гэты год, тлумачыла ім галоўныя праўды веры і вучыла іх асноўным малітвам і спевам.

Падчас Літаніі да Найсвяцейшай Панны Марыі дзеці ўзносілі свае просьбы да Маці Божай і дзякавалі Ёй за атрыманыя ласкі.

Пасля благаслаўлення і апошняга ўзнёслага спеву дзеці сабраліся каля алтара, каб зрабіць агульны фотаздымак з ксяндзом-пробашчам, і атрымалі салодкі пачастунак.

Вікторыя Каросцік