Сёння, 9 чэрвеня, наш парафіянін Андрэй Ахрэм,які належыць да супольнасці айцоў францішканаў, а 12.00 у гродзенскім касцёле Маці Божай Анёльскай атрымаў з рук біскупа Кашкевіча дыяканскае пасвячэнне.

Учора, 8 чэрвеня, была ўстаноўленая новая кованка пры галоўным уваходзе ў касцёл, якая дазволіць жадаючым памаліцца ў святыні на працягу дня.

4 па 7 ліпеня 2012г. адбудзецца пешая пілігрымка нашай парафіі да нацыянальнага санктуарыя Маці Божай ў Будславе. 

Арганізацыйная сустрэча з жадаючымі прыняць удзел - 1 ліпеня пасля Эўхарыстыі а 10 гадзіне.

 Шчыра запрашаем!

Планирование семьи: естественный метод

Знания об овуляции незаменимы для любой супружеской пары. 

У месяцы чэрвені 2012 года будзем асаблівым чынам памятаць у нашых малітвах аб інтэнцыях Святога Айца Бенедыкта XVI:

Агульная: Каб веруючыя маглі распазнаваць у Эўхарыстыі жывую прысутнасць Увас крослага, які таварышыць ім у штодзённым жыцці.

Місійная: Каб хрысціяне ў Еўропе адкрылі нанова сваю ідэнтычнасць і з большым  запалам удзельнічалі ў абвяшчэнні Евангелля.

Парафіяльная інтэнцыя гучыць наступным чынам: Каб дзеці і моладзь падчас летніх канікулаў няспынна жылі з Богам.

Як ужо паведамлялася раней, 16 чэрвеня 2012 г а 18.00 плануецца святарскае пасвячэнне дыякана Кірыла Бардонава, а таксама дыяканскае пасвячэнне клерыка Міхала Бубена.

Заклікаем Вас, дарагія браты і сёстры,  малітоўна падтрымаць дыякана Кірыла і клерыка Міхала, каб прыняўшы пасвячэнні маглі быць добрымі слугамі ў Касцёле!
Каб кожны жадаючы мог прыняць удзел у пасвячэнні, парафія арганізоўвае аўтобусную паездку ў Мінск. Выезд адбудзецца 16 чэрвеня ў 15.00 і вяртаемся адразу пасля заканчэння ўрачыстасці. 

17 чэрвеня ў нашым касцёле адбудзецца Прыміцыйная, гэта значыць першая Святая Імша будучага ксяндза Кірыла. Пачатак урачыстасці адбудзецца ў 9.20 каля бацькоўскага дома па вул. 17 Верасня 31. Далей адбудзецца працэсія з прыміцыянтам да касцёла. У 10.00 распачнецца Святая Імша, на прыканцы якой будзе ўдзеленае благаславенне з рук прыміцыянта.

У 16.00 у Вілейскім доме культуры адбудзецца канцэрт семінарыйнага музычнага гурта “Подых Духа”.
Пасля заканчэння канцэрта каля парафіяльнага дома адбудзецца пачастунак для дзяцей, моладзі, хораў і для ўсіх жадаючых.

Шчыра запрашаем усіх парафіянаў прыняць актыўны ўдзел ва ўрачыстасцях!
 

«што Бог злучыў, чалавек няхай не разлучае...». У сакрамэнце сужэнства мужчына і жанчына заключаюць саюз для супольнага жыцця, а таксама атрымліваюць Божую ласку для належнага выканання сужэнскіх абавязкаў, а асабліва для добрага выхавання патомства... Усведамляючы адказнасць вышэйузгаданага кроку, узнікаюць пытанні:

29 траўня 2012г. адбыліся спартыўныя сустрэчы нашай парафіі. У Фізкультурна-аздараўленчым комплексе па вул. Талстога 55 памерыцца сіламі ў міні-футбол выйшла 4 каманды: каманда парафіі Ўзвышэння святога Крыжа г. Вілейкі, каманда моладзі з Маладзечна, футбалісты з в. Ілля Вілейскага раёна, а таксама святары Мінска-Магілёўскай архідыяцэзіі. 

27 мая, ва ўрачыстасць Спаслання Духа Святога супольнасць Літургічнай Службы Алтара павялічылася на 6 міністрантаў. Мікіта Зяновіч, Раман Жураўскі, Даніла Місун, Дзмітрый Тумаш, Віктар Пляско і Антон Апанасёнак выразілі перад усёй парафіяльнай супольнасцб шчырае жаданне служыць Богу алтары.

28 мая 2012г. урачыстасць тытулу парафіі адзначылі вернікі в. Куранец. Просячы заступніцтва Найсвяцейшай Дзевы Марыі, Маці Касцёла, удзельнікі Літургіі дзякавалі міласэрнаму Богу за магчымасць супольнай малітвы ў будынку, аддадзены каталікам некалькі дзён назад, які размяшчаецца на фундаментах касцёла, пабудаванага ў 1928 г., зачыненага ў 1940-я гг. і знішчанага.