Да сённяшняга часу Бог працягвае клікаць тых, каго Сам хоча і выбірае, на шлях святарства.
Святарства з’яўляецца вялікім Божым дарам для ўсяго свету. Бо …
Калі б мы не мелі святароў, нашая святыня была б толькі халоднымі сценамі пустога будынку!
Калі б мы не мелі святароў, мы ніколі б не адчулі Прысмак неба ў Святой Эўхарыстыі!
Калі б мы не мелі святароў, нашыя вусны ніколі б не дакрануліся да Святога Цела Хрыста!
Калі б мы не мелі святароў, нашыя сэрцы танулі б у грахах і не маглі б ачысціцца!
Калі б мы не мелі святароў, мы блукалі б як згубленыя авечкі сярод зла гэтага свету!
Калі б мы не мелі святароў, мы былі б толькі ўбогімі жабракамі, якія не маюць сродкаў для збаўлення!
Калі б мы не мелі святароў, мы не мелі б Святых Сакрамэнтаў, а значыць, мы не мелі б Хрыста!
Сёння прагнем дзякаваць Богу за дар Святарства і Эўхарыстыі, а таксама за нашых святароў, якія ахвярна вядуць нас да Бога.
Жадаем нашым добрым пастырам, ксяндзу-пробашчу Аляксандру і ксяндзу Юзафу, моцы духа Св. Пятра, любові Св. Яна і энтузіязму Св. Паўла. Няхай міласэрны Бог благаслаўляе іх на кожны дзень святарскага жыцця і ўмацоўвае Сваімі ласкамі! Прагнем заўсёды памятаць пра святароў у нашых малітвах!
