Напачатку нядзельнай Св. Імшы а 10 гадзіне ўрачыста быў асвечаны адвэнтавы вянок з чатырма свечкамі, якія сімвалізуюць чатыры тыдні Адвэнту, і была запалена першая свечка. Таксама быў асвечаны аплатак, якім мы будзем дзяліцца падчас Вігілійнай вячэры. Падчас гаміліі пробашч парафіі кс. Аляксандр разам з дзецьмі разважаў над тым, як добра перажыць Адвэнт і падрыхтавацца да святаў Божага Нараджэння. Кс. Аляксандр звярнуў увагу на патрэбу і неабходнасць малітвы, добрых учынкаў, удзелу ў Раратніх Св. Імшах.  Святар заахвочваў да прыняцця пастаноў, г.зн. канкрэтных рашэнняў у накірунак змены сябе да лепшага, і да ўдзелу ў Св. Імшах не толькі нядзельных і Раратніх, але і ў буднія дні.

Падчас кожнай Св. Імшы дзеці нашай парафіі будуць адкрываць чарговы дзень на адвэнтавым календары:адказваць на пытанні святара і здымаць сняжынку з календара. Таксама на працягу Адвэнту па сем’ях нашай парафіі будзе “пілігрымаваць” фігура Маці Божай Фацімскай, якую да сябе дадому забірае той з дзяцей, хто правільна адкажа на пытанне.

Пасля Эўхарыстыі дзеці атрымалі першыя картачкі, якія будуць атрымліваць падчас кожнай Св. Імшы нядзельнай і раратняй, і збіраць свой адвэнтавы каляндар.