Крыж – знак любові Бога да чалавека. Ён з’яўляецца вяршыняй, вытокам, нашым збаўленнем і пачаткам усялякага дабра. Ён нас, прыніжаных, узвысіў. Ён далучыў нас да супольнасці сыноў і дачок Божых. Ён нас, заблуканых, вывеў на гасцінец, і праз Яго мы пазналі праўду. Крыж учыніў так, што цяпер мы не кланяемся дрэвам і камяням, а аддаём пашану толькі Богу. Крыж вызваліў нас з няволі грахоў. Праз крыж зямля стала небам. Крыж адкрывае нам праўду. Ён паяднаў нас з Богам. Ён вырваў нас з усялякіх злачынстваў. Крыж знішчыў злосць д’ябла. Калі ўзвысіўся крыж, заяснела чысціня, і свет любові. Крыж вярнуў супакой нашаму жыццю. Гэтыя разважанні пра крыж знаходзім у святога Яна Хрызастома.

А 15 гадзіне мы сабраліся ў святыні на супольную малітву Вяночкам да Божай Міласэрнасці, а пасля – на разважанне Крыжовага Шляху Хрыста.

У 19 гадзін распачалася Літургія Мукі Пана, падчас якой мы ядналіся з Хрыстом, які памёр за нас, разважаючы Ягоную Муку, адаруючы Яго Крыж – сімвал перамогі над грахом і смерцю, яднаючыся з Ім у святой Камуніі.

Літургія Слова: Чытанне Мукі Пана, гамілія і паўсюдная малітва:

Фотарэпартаж: Яўгенія Галомзік, Дзяніс Канецкі, Андрэй Мандрык