У Евангеллі распавядалася пра тое, як несправядліва быў асуджаны і забіты Езус. У момант, калі апісвалася смерць Збаўцы, вернікі ўкленчылі і ў асабістай малітве перапрасілі Езуса за свае недасканаласці.

Падчас гаміліі кс. Аляксандр падкрэсліў, што ў жыцці кожнага чалавека ёсць крыжыкі, але варта навучыцца ад Збаўцы годна іх несці, каб яны сталі для нас уратаваннем.

Пасля малітвы верных, у якой узгадвалі не толькі Касцёл, але і ўсіх, хто верыць у Бога, распачалася адарацыя Крыжа, калі вернікі па чарзе падыходзілі да алтара і пацалункам ушаноўвалі крыж. У гэтым часе з усіх крыжоў святыні было знята фіялетавае палатно.

Пасля Камуніі Найсвяцейшы Сакрамэнт быў перанесены ў грабніцу, дзе кожны мог узнесці асабістую малітву да Збаўцы, Які аддаў за нас жыццё.

Вікторыя Каросцік

Фота Аксаны Бажко