На гэтым тыдні Святая Імша: У панядзелак і аўторак у 9.00 і 18.00.

У сераду, 1 лістапада, урачыстасць абавязковая ЎСІХ СВЯТЫХ. Святая Імша ў 12.00 будзе цэлебравацца за жывых парафіянаў, аб дар святасці. У 17.15 – выпамінкі і Нешпары за памерлых. Святая Імша ў 18.00 за памерлых, імёны якіх пададзены на выпамінкі.

У чацвер, 2 лістапада, Дзень задушны. У гэты дзень асаблівым чынам молімся за нашых блізкіх памерлых. У 11.30 – Ютрань за памерлых. Святая Імша ў 12.00. У 17.15 – выпамінкі і Нешпары за памерлых. Святая Імша ў 18.00.

У пятніцу: 8.15 – выпамінкі і Ютрань, 9.00 – Святая Імша, далей у 17.15 – выпамінкі і Нешпары, 18.00 – Святая Імша. У першую пятніцу лістапада Адарацыя Найсвяцейшага Сакрамэнта і Споведзь з 8.00 і 17.00. Калі хто пабудзе ў Споведзі на працягу тыдня, то у пятніцу хопіць толькі прыняць Святую Камунію.

У суботу: 9.15 – выпамінкі і Ютрань, 10.00 – Святая Імша (складковая за памерлых)

У наступную нядзелю: 9.20 – Ютрань за памерлых, 10.00, 12.00 і ў 18.00 – Святая Імша, у 17.15 – выпамінкі і Нешпары за памерлых.

Карткі з імёнамі памерлых на выпамінкі належыць прынесці ў сакрыстую да 2 лістапада.

4 лістапада ў 10.00 адбудзецца Святая Імша за айца Андрэя Ахрэм у дзесятую гадавіну смерці.

Заняткі па рэлігіі адбудуцца пасля восеньскіх канікул 18 лістапада.

З 5 жніўня 2023 года да 6 ліпеня 2024 года ў Будславе праводзіцца малітоўная падрыхтоўка да прысвячэння Мінска-Магілёўскай архідыяцэзіі і ўсяго Каталіцкага Касцёла ў Беларусі Найсвяцейшаму Сэрцу Езуса, а таксама Год падзякі Маці Божай за Яе апеку і атрыманыя ласкі. Наш Вілейскі дэканат мае абавязак арганізаваць малітоўную сустрэчу ў лістападзе. Пасля кансультацыі з Арцыбіскупам Юзафам Станеўскім прынята рашэнне правесці малітоўнае чуванне пасля завяршэння актавы ўрачыстасці Усіх Святых, у другую суботу, а дакладна 11 лістапада.

З Вілейкі будзе арганізаваны аўтобус на паездку ў Будслаў. Запісваемся каля кніжнага кіоска. Кошт 15 руб.

Дзякуем за ахвяраванні на ўтрыманне святыні, за працу і малітвы!

На гэтым тыдні Святая Імша: Ад панядзелка да пятніцы ў 9.00 і 18.00. У суботу, за памерлых, у 10.00. У наступную нядзелю ў 10.00, 12.00 і 18.00.

Набліжаюцца ўрачыстасць Усіх Святых і ўспамін памерлых. Згодна з традыцыяй у месяцы лістападзе будуць адбывацца выпамінкі, калі мы молімся за памерлых, вычытваючы іх імёны. Пры выхадзе з касцёла знаходзяцца карткі для запісу. Пасля гэтыя карткі належыць прынесці ў сакрыстую.

Будзем памятаць пра абавязак навядзення парадку на могілках, дзе пахаваныя нашыя блізкія родныя. Пастараемся навесці парадак і на магілах, якія, як мы можам ведаць, не маюць сваіх родных, але якімі ужо шмат год апякуюцца людзі добрай волі.

Наведванне могілак у гэтым годзе будзе згодна з раскладам, пададзеным асобна.

18 кастрычніка гэтага года, Святы Айцец Францішак сказаў: «У свеце адкрыта шмат франтоў вайны. Няхай змоўкне зброя, няхай будзе пачуты крык бедных і дзяцей аб міры. Вайна не вырашыць ніводнай праблемы. Яна сее толькі смерць і разбурэнне. Яна павялічвае нянавісць. Яна памнажае помсту. Вайна перакрэслівае будучыню». Пры гэтым Пантыфік дадаў: «Заахвочваю вернікаў стаць на адзін бок у гэтым канфлікце — бок міру, — не толькі словамі, але малітвай».

Святы Айцец прапануе правесці ў пятніцу 27 кастрычніка дзень посту, малітвы і пакаяння, да якога ён запрашае далучыцца людзей розных хрысціянскіх канфесій, тых, хто належыць да іншых рэлігій, і ўсіх тых, хто імкнецца да справы міру ў свеце.

Далучаючыся да просьбы Святога Айца, Канферэнцыя Каталіцкіх Біскупаў у Беларусі заклікае вернікаў нашай краіны, кожнага хрысціяніна, а таксама кожнага чалавека добрай волі, якому неабыякавы мір на свеце, 27 кастрычніка зрабіць днём посту, малітвы і пакаяння ў намеры міру.

У нашай парафіі Ружанцовае набажэнства раніцай і вечарам будзе праведзена ў інтэнцыі міру, паяднання і супакою.

З 5 жніўня 2023 года да 6 ліпеня 2024 года ў Будславе праводзіцца малітоўная падрыхтоўка да прысвячэння Мінска-Магілёўскай архідыяцэзіі і ўсяго Каталіцкага Касцёла ў Беларусі Найсвяцейшаму Сэрцу Езуса, а таксама Год падзякі Маці Божай за Яе апеку і атрыманыя ласкі. Кожны дэканат нашай архідыяцэзіі мае вызначаны месяц у якім арганізоўвае набажэнства ў Будславе. Наш Вілейскі дэканат мае абавязак арганізаваць малітоўную сустрэчу ў лістападзе. Пасля кансультацыі з Арцыбіскупам Юзафам Станеўскім прынята рашэнне правесці малітоўнае чуванне пасля завяршэння актавы ўрачыстасці Усіх Святых, у другую суботу, а дакладна 11 лістапада. Праграма будзе наступнай:

 10.30  Прыезд у Нацыянальны санктуарый

11.00 Выстаўленне Найсвяцейшага Сакрамэнту. Набажэнства перапрашэння Беззаганнага Сэрца Марыі. Фацімскі Ружанец, споведзь.

12.00  Святая Імша

13.00  Канферэнцыя

13.30  Вяночак да Божай Міласэрнасці

З Вілейкі будзе арганізаваны аўтобус на паездку ў Будслаў. Запісваемся каля кніжнага кіёска.

Дзякуем за ахвяраванні на ўтрыманне святыні, за працу і малітвы!

Расклад наведвання могілак

(набажэнства за памерлых і асвячэнне магіл)

Пятніца, 3 лістапада 

11.00 – Вязынь

12.00 – Вілейка (Гарадзішча)

12.30 – Снежкава

13.00 – Багданава

13.45 – Касута

14.30 - Асіпавічы

Субота, 4 лістапада 

12.00 – Вілейка “Лясныя” (новыя камунальныя могілкі)

14.00 - Вілейка (Волкаўшчына)

15.00 – Куранец

16.00 – Любань

Нядзеля, 5 лістапада 

13.30 – Вілейка (вул. Першамайская)

Аўторак, 7 лістапада 

11.00 – Порса

12.30 – Золькі (Муляры)

13.30 – Ролічы

14.00 – Лыцавічы