Святая Імша на гэтым тыдні адбудзецца: у панядзелак, сераду, пятніцу і суботу ў 10.00 і 18.00, у аўторак і чацвер Рараты ў 6.30. У наступную нядзелю – звычайна: 10.00, 12.00 і ў 18.00.
Рэкалекцыі перад святам Божага Нараджэння адбудуцца ў нашай парафіі 21 і 22 снежня, пятніца і субота. Ужо зараз заплануем свой час, свае абавязкі, каб у гэтых днях не толькі прыступіць да споведзі, але і выслухаць кожны дзень рэкалекцыйную навуку. Споведзь будзе распачынацца з 9.00 і 17.00, а Святая Імша ў 10.00 і 18.00. Найбольш святароў будзе спавядаць у пятніцу вечарам.
Наведванне хворых адбудзецца у аўторак 18 снежня з 9.00. Адрасы хворых і састарэлых трэба запісаць у сакрыстыі.
Наступныя ўрокі рэлігіі для дзяцей і моладзі адбудуцца пасля зімовых канікул 12 студзеня. Катэхеза для дарослых у сераду пасля Святой Імшы на 18.00, а далейшая катэхеза 9 студзеня ў 19.00. Наступная катэхеза для дарослых перад Бежмаваннем адбудзецца ў нядзелю 13 студзеня пасля Святой Імшы на 10.00
Рэпетыцыя хора для дзяцей адразу пасля святой Імшы на 10.00 у парафіяльным доме, а для дарослых і моладзі пасля Святой Імшы на 18.00.
Адвэнт – гэта час нашай духоўнай адновы, але таксама і час на ўчынкі міласэрнасці і дапамогі іншым. У касцёлах праводзяцца розныя акцыі, падчас якіх збіраюцца сродкі на падарункі дзецям і патрабуючым. Сёння і наступную нядзелю пры выхадзе з касцёла сакрыстыяне будуць збіраць ахвяраванні, якія выкарыстаюцца на набыццё падарункаў для дзяцей нашай парафіі, якія рыхтаваліся да Божага Нараджэння прыходзячы на Святыя Імшы Раратнія. Шчырасцю свайго сэрца дапаможам зрабіць свята для нашых дзяцей!
У парафіяльным кіёску можна набыць аплаткі на вігілійны стол і іншыя святочныя рэчы. Маем календары на новы 2019 год. Варта паклапаціцца, каб мець каталіцкі календар у сваім доме.
Ахвяраванні за аплаткі, календары і святочныя рэчы будуць далучаныя да сродкаў на ўтрыманне нашага касцёла.
Просьба да мужчын нашай парафіі, сабрацца ў панядзелак пасля Святой Імшы на 10.00, каб пабудаваць стаенкі на вуліцы і ў касцёле, а ў суботу, каб устанавіць ёлкі. Таксама запрашаем усіх жадаючых у суботу пасля Святой Імшы на 10.00, каб адразу ўпрыгожыць ёлкі і зрабіць святочныя дэкарацыі.
Дзякую за ахвяраванні, працу і малітвы, якімі вы спрычыняецеся да ўтрымання нашай святыні.