Святая Імша на гэтым тыдні: У панядзелак, сераду і пятніцу ў 9.00. У аўторак, ва ўрачыстасць абавязковую Унебаўзяцця Найсвяцейшай Панны Марыі, у 12.00 і 18.00. Пад час кожнай Святой Імшы адбудзецца асвячэнне садавіны і гародніны. У чацвер у 18.00. У суботу ў 10.00 (за памерлых). У наступную нядзелю ў 10.00, 12.00 і 18.00.

26 жніўня, у суботу, запрашаем дзяцей, моладзь, дарослых, малітоўныя групы, міністрантаў, хор, школьнікаў і студэнтаў паехаць у Будслаў, каб маліцца каля абраза Маці Божай і прасіць Бога аб благаславенне праз Яе заступніцтва на новы навучальны год. Выезд з Вілейкі цягніком у 8.55. Набываем самастойна білет да станцыі Будслаў. Вяртаемся ў Вілейку вечарам.

3 верасня, у нядзелю, у 10.00 распачнём новы школьны навучальны год з асвячэннем школьных прынадлежнасцяў і індывідуальным благаславеннем. Запрашаем школьнікаў з бацькамі, а таксама настаўнікаў і выхаваўцаў.

Святкаваць Юбілей нашага касцёла мы распачнём 11 верасня і завершым 14 верасня ў 18.00 Святой Імшой, якую ўзначаліць Мітрапаліт Арцыбіскуп Юзаф Станеўскі разам з запрошанымі святарамі. У панядзелак, 11 верасня, у 18.00 у нашую парафію прыбудуць копіі цудоўных Абразоў Маці Божай са святых месцаў Беларусі, і таксама з Вострай Брамы і Яснай Гары. Урачыстым прыветаннем Абразоў мы распачнём нашае парафіяльнае свята, якое будзе працягвацца тры дні. Падрабязная праграма будзе пададзена крыху пазней.

Дзякуем за ўсе ахвяраванні на рамонт касцёла, за ахвяраванні на ўтрыманне святыні, за працу і малітвы. Няхай Езус Хрыстус адорыць вас сваімі ласкамі!

Святая Імша на гэтым тыдні: У панядзелак, сераду і пятніцу ў 9.00. У аўторак і чацвер у 18.00. У суботу, за памерлых, у 10.00. У наступную нядзелю ў 10.00, 12.00 і 18.00.

У нядзелю, 23 ліпеня, у 19.00 на цэнтральнай плошчы горада, адбудзецца асвячэнне аўтамабіляў і малітва за вадзіцеляў з нагоды ўспаміну св. Крыштафа.

Дзякуем за ўсе ахвяраванні на рамонт касцёла, за ахвяраванні на ўтрыманне святыні, за працу і малітвы. Няхай Езус Хрыстус адорыць вас сваімі ласкамі!

Святая Імша на гэтым тыдні: Панядзелак у 9.00, аўторак у 9.00 і 18.00, сераду ў 8.00 (з удзелам пілігрымаў са Смаргоні) і ў 9.30 (з удзелам пілігрымаў з Маладзечна). У чацвер, ва ўрачыстасць абавязковую святых Апосталаў Пятра і Паўла, у 12.00 і 18.00. У пятніцу не будзе. У суботу, за памерлых, у 10.00. У наступную нядзелю ў 10.00, 12.00 і ў 18.00.

Праграма фэсту ў Будславе

30 чэрвеня, пятніца

18.00 — святая Імша з удзелам пілігрымаў

23.30 — працэсія са свечкамі і копіяй абраза Маці Божай Будслаўскай і Святая Імша

1 ліпеня, субота

10.00 — сустрэча Папскага легата арцыбіскупа Клаўдыё Гуджэроцці

11.00 — святая Імша і Эўхарыстычная працэсія (цэлебруе Папскі легат арцыбіскуп Клаўдыё Гуджэроцці)

Плануем у гэтым годзе аднадзённую пілігрымку ў Будслаў. 30 чэрвеня цягніком пад’езжаем да Крывічоў, далей ідзём пешшу.

Што павінен ведаць пілігрым:

Выезд з Вілейкі ў 8.55. Набываем самастойна білет да станцыі Крывічы. Прыбываем у Крывічы ў 9.35. Непатрэбныя рэчы перагружаем у аўтамабіль. Строімся ў калону і вырушаем у бок Будслава. Вяртанне да дому кожны абдумвае самастойна.

Мець з сабою:

Заплечнік з вадою, Ружанец, спеўнік нашай парафіі, дажджавік,  сухпаёк, карымат (пасцілка, дыванок, каб сядаць падчас прыпынкаў), індывідуальную аптэчку (асабліва супраць мазалёў).

Апранаемся: сціпла (не можа быць кароткіх шортаў і адкрытых маек). Галаўны ўбор. Абутак разношаны. Бяром з сабою хустачку пілігрыма з мінулых гадоў (ярка-лімонны колер). Хто не мае такой хустачкі, таму будзе пазычана на час пілігрымкі і фэсту.

Бяром рэчы неабходныя на фэсце ў Будславе (святочнае адзенне, цёплыя рэчы і штосці на выпадак дажджу).

Сёння адбываецца запіс пілігрымаў. Запісваемся каля бочнага алтара Маці Божай.

27 чэрвеня, у аўторак, на 18.00 у Вілейку прыбудуць пілігрымы са Смаргоні. А нам трэба дапамагчы пілігрымам адпачнуць для далейшай дарогі ў Будслаў. Вялікая просьба, запрасіць у свой дом пілігрымаў на начлег.

Плануем аўтобусную паездку ў Будслаў на фэст. Выезд 30 чэрвеня, у пятніцу, у 16.30 і вяртаемся ноччу, пасля Святой Імшы апоўначы. Кошт 18 руб. Запісваемся каля кніжнага кіоска.

Дзякую за ўсе ахвяраванні, за працу і малітвы якімі вы прычыняецеся да ўтрымання нашай святыні.

Святая Імша на гэтым тыдні: У панядзелак, сераду і пятніцу ў 9.00. У аўторак і чацвер у 9.00 і 18.00. У суботу, ва ўрачыстасць Нараджэння Святога Яна Хрысціцеля, Імша за памерлых, у 10.00 і ў 12.00. У наступную нядзелю ў 10.00, 12.00 і 18.00.

Плануем у гэтым годзе аднадзённую пілігрымку ў Будслаў. 30 чэрвеня цягніком пад’езжаем да Крывічоў, далей ідзём пешшу. Больш падрабязная інфармацыя будзе пададзена ў наступную нядзелю, 25 чэрвеня, пасля Святой Імшы на 10.00.

Арганізоўваецца паездка ў Будслаў аўтобусам. Выезд у пятніцу, 30 чэрвеня, у 16.30 і вяртаемся ў Вілейку пасля Святой Імшы апоўначы. Кошт 18 руб. Запісваемся каля кніжнага кіоска.

27 чэрвеня на 18.00 у Вілейку прыбудуць пілігрымы са Смаргоні. Традыцыйна дапаможам пілігрымам адпачнуць для далейшай дарогі ў Будслаў. Вялікая просьба, запрасіць у свой дом пілігрымаў на начлег.

Дзякую за ўсе ахвяраванні, за працу і малітвы, якімі вы прычыняецеся да ўтрымання нашай святыні.

Святая Імша на гэтым тыдні: У панядзелак і сераду ў 9.00. У аўторак і чацвер у 9.00 і 18.00.У пятніцу, ва ўрачыстасць Найсвяцейшага Сэрца Езуса Хрыста, у 12.00 і 18.00. У суботу, ва ўспамін Беззаганага Сэрца Найсвяцейшай Панны Марыі, Імша за памерлых, у 10.00. У наступную нядзелю ў 10.00, 12.00 і 18.00.

Месяц чэрвень прысвечаны Найсвяцейшаму Сэрцу Езуса Хрыста. Заахвочваем кожны дзень маліцца літанію да Найсвяцейшага Сэрца Езуса Хрыста.

Плануем у гэтым годзе аднадзённую пілігрымку ў Будслаў. 30 чэрвеня цягніком пад’езжаем да Крывічоў, далей ідзём пешшу. Больш падрабязная інфармацыя будзе пададзена ў нядзелю 25 чэрвеня.

Арганізоўваецца паездка ў Будслаў аўтобусам. Выезд у пятніцу, 30 чэрвеня, у 16.30 і вяртаемся ў Вілейку пасля Святой Імшы апоўначы. Кошт 18 руб. Запісваемся каля кніжнага кіоска.

Заўтра пасля Святой Імшы на 9.00 падрыхтуем алтарную частку касцёла для далейшага рамонту. Патрабуем дапамогі як мужчын, так і жанчын. Алтар для Святой Імшы будзе выстаўлены на касцёл, а прэзбітэрый будзе закрыты плёнкай.

Дзякую за ўсе ахвяраванні, за працу і малітвы якімі вы прычыняецеся да ўтрымання нашай святыні.

Святая Імша на гэтым тыдні: У панядзелак, сераду і пятніцу ў 9.00. У аўторак у 9.00 і 18.00. У чацвер, ва ўрачыстасць абавязковую Найсвяцейшага Цела і Крыві Хрыста, у 12.00 і 18.00. Урачыстасць абавязковая азначае, што гэта дзень святы і нас абавязвае да ўстрымання ад не абавязковай працы і належыцца прыняць удзел у Святой Імшы. У суботу, за памерлых, у 10.00.

У наступную нядзелю, 11 чэрвеня, у 10.00 урачыстая Святая Імша і пасля працэсія Божага Цела. Да ўдзелу ў працэсіі запрашаем дзецей, моладзь, дарослых і дзяцей, якія прынялі Першую Святую Камунію. Пасля завяршэння працэсіі, прыблізна каля 12.00 адбудзецца другая Святая Імша, і вечарам у 18.00.

Дзяўчаткі падабраць сабе сукенкі для працэсіі могуць сёння, пасля Святой Імшы на 10.00, альбо ў чацвер, пасля Святой Імшы на 18.00.

Месяц чэрвень прысвечаны Найсвяцейшаму Сэрцу Езуса Хрыста. Заахвочваем кожны дзень маліцца літанію да Найсвяцейшага Сэрца Езуса Хрыста.

Кожны ўдзельнік Брацтва Жывога Ружанца ў месяцы чэрвені сам выбірае тую інтэнцыю, якая найбліжэй сэрцу і ў ёй моліцца.

Плануем у гэтым годзе аднадзённую пілігрымку ў Будслаў. 30 чэрвеня цягніком пад’езжаем да Крывічоў, далей ідзём пешшу. Больш падрабязная інфармацыя будзе пададзена ў нядзелю 25 чэрвеня.

Дзякую за ўсе ахвяраванні, за працу і малітвы якімі вы прычыняецеся да ўтрымання нашай святыні.

Святая Імша на гэтым тыдні: У панядзелак, свята Найсвяцейшай Панны Марыі Маці Касцёла, другі дзень урачыстасці Спаслання Духа Святога, у 12.00 і 18.00. У аўторак, сераду, чацвер і пятніцу ў 9.00 і 18.00. У суботу, за памерлых, у 10.00.

У наступную нядзелю адзначым урачыстасць Найсвяцейшай Тройцы. Святая Імша: у 10.00, 12.00 і 18.00.

Тыдзень пасля Першай Святой Камуніі называецца Белым Тыднем. Дзеці кожны дзень будуць прыходзіць на Святую Імшу ў 18.00, каб прымаць Хрыстовае Цела ў Камуніі. Белы Тыдзень завершыцца ў наступную нядзелю на Святой Імшы ў 10.00.

3 чэрвеня, у першую суботу месяца, ў Нацыянальным санктуарыі ў Будславе адбудзецца заключная малітоўная сустрэча ў межах Вялікай навэнны падрыхтоўкі да юбілею 25-годдзя з часу каранацыі цудадзейнага абраза Маці Божай Будслаўскай. У заключны, дзявяты яе дзень у Будславе збяруцца дзеці, якія сёлета ўпершыню прыступяць да Споведзі і прымуць сваю першую Святую Камунію, а таксама іх бацькі. Таксама ў Будслаў можа паехаць і кожны жадаючы.

Вячэрнія маёвыя, пасля чэрвенскія набажэнствы будуць адбывацца на Белым Тыдні ў 17.30.

Месяц чэрвень прысвечаны Найсвяцейшаму Сэрцу Езуса Хрыста. Заахвочваем кожны дзень маліцца літанію да Найсвяцейшага Сэрца Езуса Хрыста.

Кожны ўдзельнік Брацтва Жывога Ружанца ў месяцы чэрвені сам выбірае тую інтэнцыю, якая найбліжэй сэрцу і ў ёй моліцца.

11 чэрвеня у 10.00 Святая Імша і пасля працэсія Божага Цела. У працэсіі асаблівым чынам будуць удзельнічаць дзеці, якія прынялі Першую Святую Камунію.

Плануем у гэтым годзе аднадзённую пілігрымку ў Будслаў. 30 чэрвеня цягніком пад’езжаем да Крывічоў, далей ідзём пешшу. Больш падрабязная інфармацыя будзе пададзена ў нядзелю 25 чэрвеня.

Дзякую за ўсе ахвяраванні, за працу і малітвы якімі вы прычыняецеся да ўтрымання нашай святыні.

Святая Імша на гэтым тыдні: У панядзелак, сераду і пятніцу ў 9.00 і 18.00. У аўторак і чацвер ў 9.00. У суботу, Імша за памерлых, у 10.00.

У наступную нядзелю адзначым урачыстасць Спаслання Духа Святога (Зялёныя Святы). Святая Імша: у 10.00, 12.00 і 18.00. Да гэтай урачыстасці рыхтуемся праз Навэнну да Духа Святога, якая праводзіцца кожны дзень разам з маёвым набажэнствам.

У наступную нядзелю ў 10.00 адбудзецца ўрачыстасць Першай Святой Камуніі для дзяцей нашай парафіі.

У аўторак у 10.00 альбо ў 16.00 – экзамен для першакамунійных дзяцей.

У суботу ў 15.00 адбудзецца рэпетыцыя перад урачыстасцю Першай Святой Камуніі і ў 16.00 – Першая Споведзь.

Дзякую за ўсе ахвяраванні, за працу і малітвы якімі вы прычыняецеся да ўтрымання нашай святыні.

Месяц май прысвечаны Найсвяцейшай Панне Марыі. У маі кожны дзень пасля Святой Імшы адбываюцца маёвыя набажэнствы, калі молімся Літанію да Божай Маці пры выстаўленным Найсвяцейшым Сакрамэнце.

Святая Імша на гэтым тыдні: У панядзелак, сераду і пятніцу а 9.00 і 18.00. У аўторак а 9.00. У чацвер, ва ўрачыстасць абавязковую Унебаўшэсця Пана, а 12.00 і 18.00. У суботу, Імша за памерлых, а 10.00. У нядзелю расклад Святых Імшаў звычайны: 10.00, 12.00 і 18.00.

Апошнія ўрокі рэлігіі для дзяцей і моладзі адбудуцца ў суботу 20 мая.

У наступную нядзелю а 10.00 хлопцы, якія на працягу года былі кандыдатымі ўрачыста будуць прынятыя ў міністранты.

У суботу а 16.00 адбудзецца рэпетыцыя перад урачыстасцю Першай Святой Камуніі

Дзякую за ўсе ахвяраванні, за працу і малітвы якімі вы прычыняецеся да ўтрымання нашай святыні.

Месяц май прысвечаны Найсвяцейшай Панне Марыі. Кожны дзень пасля Святой Імшы адбываюцца маёвыя набажэнствы, калі молімся Літанію да Божай Маці пры выстаўленным Найсвяцейшым Сакрамэнце.

Святая Імша на гэтым тыдні: У панядзелак, сераду і пятніцу а 9.00 і 18.00. У аўторак і чацвер а 9.00. У суботу, Імша за памерлых, а 10.00. У нядзелю расклад Святых Імшаў звычайны: 10.00, 12.00 і 18.00.

Апошнія ўрокі рэлігіі для дзяцей і моладзі адбудуцца праз суботу 20 мая.

Дзякую за ўсе ахвяраванні, за працу і малітвы якімі вы прычыняецеся да ўтрымання нашай святыні.