Святая Імша на гэтым тыдні: У панядзелак, сераду і пятніцу ў 9.00. У аўторак і чацвер у 18.00. У суботу за памерлых у 10.00. У нядзелю ў 10.00, 12.00 і 18.00.

Заняткі па рэлігіі распачнуцца 5 кастрычніка. Дакладны расклад заняткаў будзе пададзены ў наступную нядзелю.

У суботу 12 кастрычніка ў санктуарыі Гродзенскай дыяцэзіі ў Барунах (Ашмянскі дэканат) адбудзецца ўрачыстая каранацыя цудадзейнага абраза Маці Божай Барунскай, якая ўжо больш за тры стагоддзі ўшаноўваецца пад тытулам Суцяшальніцы засмучаных. Плануем арганізаваць паездку на гэтую гістарычную ўрачыстасць. Адначасова наведаем іншыя прыгожыя касцёлы Смаргонскага, Астравецкага і Ашмянскага дэканатаў. Уступна плануем выехаць 12 кастрычніка ў 7.00. Наведаем па дарозе ў Баруны: Смаргонь – Крэва – Гальшаны. На адваротным шляху: Ашмяны – Жупраны – Солы. Вяртаемся каля 19.00. Кошт паездкі ўступна каля 30 р. Запісваемся каля кніжнага кіоска.

Дзякуем за ўсе ахвяраванні на рамонт алтара, на ўтрыманне святыні, за працу і малітвы. Дзякую за зробленую вялікаю працу перад фэстам нашай парафіі. Няхай Езус Хрыстус адорыць вас сваімі ласкамі!