Шчырым сэрцам просім аб дары цвярозасці для ўсіх, каго любім, асабліва для N. N. (імёны), якія знаходзяцца ў залежнасці ад алкаголю.

Святы Ян Хрысціцель, Ты праз усё свае жыццё практыкаваў абстыненцыю, дапамажы, каб і мы ў нашай Айчыне дажылі да часу, у якім алкаголь перастане быць сімвалам няшчасця, суму і трагедый. Беражы нас ад граху п’янства. Будзь натхненнем і дапамогай для усіх, хто адракаецца алкагольных напояў для дабра сваіх найбліжэйшых і усяго чалавецтва. Апякун цвярозасці, узбудзі ў сэрцах маіх родных прагненне жыцця без алкаголю.

Хрысце, навучы нас асабліва паважаць цноту цвярозасці, іншых да яе заклікаць і вытрываць у заўсёднай еднасці з Табой, які жывеш і валадарыш праз усе вякі вечныя. Амэн.

Ойча наш... Вітай Марыя,.. Хвала Айцу...

Божа, дай мне спакою духа,

Каб згаджаўся з тым, чаго змяніць не магу,

Мужнасці, каб змяняў тое, што магу змяніць,

Мудрасці, каб адрозніваў адно ад другога.

Маці Божая, Валадарка і Заступніца наша, дапамажы нам.

Святы Міхале арханёле, барані нас.

Святы Ян Хрысціцель, апякун цвярозасці, маліся за нас.