Як адзначыў пробашч парафіі кс. Аляксандр, гэты дзень мае права святкаваць кожны чалавек: як найменшыя, так і найстарэйшыя. Свята Анёлаў Ахоўнікаў у нашай парафіі з’яўляецца таксама днём асаблівай малітвы за дзяцей.

На вячэрнюю Св. Імшу сабраліся бацькі разам са сваімі дзецьмі, каб праз заступніцтва нашых нябесных памочнікаў прасіць у Бога аб благаслаўленні. Пасля Эўхарыстыі святары індывідуальна ўдзялілі Божае благаслаўлення кожнаму дзіцяці. А дзеці на ўспамін аб гэтым дні атрымалі незвычайны падарунак. А менавіта, выразаныя з аліўкавага дрэва фігуркі Анёлаў, якія ў прамым сэнсе слова прыляцелі з далёкага Бэтлеему, дзе нарадзіўся наш Збаўца.