Гэтым разам арганізатары сустрэчы на чале з катэхеткай Ганнай Аўсейчык прапанавалі ўдзельнікам ў асаблівы спрасаб разважыць сутнасць хрысціянскай любові.

 Няма нічога дзіўнага, што галоўнай тэмай першага дня стаў фрагмент 1 Паслання Апостала Пасла да Карынцянаў – Гімн любові ( 1Кар 13.1-13).

Супольныя малітвы, школа спеву, Майстэрня маленькіх цудаў, супольная забава – усё гэта, без сумненняў, не пакінула дзяўчат абыякавымі.

Наступны дзень спаткання прапаноўваў засяродзіцца над разуменнем паняцця шчасця. Падчас Эўхарыстыі кс. Аляксандр зазначыў: “Шчасце – гэта жыццё з Богам, праз Бога, і ў Богу.”

Апошні дзень сустрэчы быў скіраваны на разважанне Божых і касцёльных наказаў, а ў асаблівы спосаб – Запаведзей любові. Важным элементам духоўных практыкаваннняў стаў удзел удзельніц спаткання у перэгрынацыі копіі абраза Маці Божай Будслаўскай, якая адбывалася ў гэты дзень у парафіі Найсвяцейшага Сэрца Езуса Хрыста ў Іллі.

“Любоў ніколі не знікае. А вось прароцтвы знікнуць, і мовы змоўкнуць, і веды занепадуць. Дык цяпер трываюць гэтыя тры: вера, надзея і любоў; але большая з іх – ЛЮБОЎ” – з гэтымі словамі вярталіся да сваіх нашыя маладыя парафіянкі, каб дзяліцца любоўю Хрыста з усімі людзьмі.