З 18 па 23 жніўня дзеці і моладзь нашай парафіі сабраліся “ў гасцях” у Маці Божай Будслаўскай на час духоўных практыкаванняў. Падобныя рэкалекцыі ў Будславе перад пачаткам навучальнага года сталі ўжо добрай традыцыяй нашай парафіі. Дзеці і моладзь на працягу ўсяго года чакаюць гэтых незвычайных дзён, праведзеных побач з Нябеснай Матуляй у Будслаўскім Санктуарыі.

З 3 па 5 чэрвеня ў нашай парафіі адбыліся рэкалекцыі для дзяўчат. На працягу гэтых дзён дзеці разважалі над тым, хто можа быць святым і які шлях вядзе да святасці, углядаліся ў прыклад Св. Яна Паўла ІІ і Св. Яна ХХІІІ, і, безумоўна, самі вучыліся быць святымі.

На мінулым тыдні школьнікі мелі канікулы. У апошні дзень гэтага цудоўнага часу дзеці і моладзь нашай парафіі сабраліся разам, каб прыняць удзел у Св. Імшы і супольна правесці час.

У суботнія вечары моладзь і дзеці нашай парафіі збіраюцца разам, каб сустрэцца з Езусам Хрыстом у Эўхарыстыі. Гісторыя такіх суботніх вечароў з удзелам моладзі ў Св. Імшы  вельмі доўгая. Ужо на працягу шматлікіх год па суботах пасля заняткаў катэхезы моладзь спяшаецца ў святыню, каб прыняць удзел у моладзевай Св. Імшы. 

9 лютага 2014 года адбудзецца сустрэча студэнцкай і працуючай моладзі нашай парафіі.

Запрашаем усіх "выпускнікоў", каб супольна правесці час, узгадаць радасныя моманты дзяцінства і праславіць Бога на супольнай малітве.

Сапраўдны хрысціянін усё пачынае і заканчвае з Богам, у Божае Імя.

     1 верасня касцёл быў перепоўнены…Чым асаблівая была гэтая нядзеля? Менавіта ўчора мы распачалі новы навучальны год, распачалі яго ў Божае Імя.

Добрай традыцыяй стала жнівеньскае спатканне студэнцкай і працоўнай моладзі нашай парафіі ў Будславе. Кожны з нас загадзя чакае “той самы чацвер” падчас летніх дзіцячых рэкалекцый, калі мы вырываемся са штодзеннай мітусні дарослага жыцця і злятаемся ў дарагое сэрцу месца.

12 мая Мітрапаліт Мінска-Магілёўскі  арцыбіскупТадэвушКандрусевіч наведаў нашую парафію. Іерарх удзяліў сакрамэнт канфірмацыі 94 вернікам, якія ва ўрачыстай працэсіі разам з ім і прысутнымі святарамі ўвайшлі ў святыню.

З 5 па 7 лістапада у нашай парафіі адбыліся рэкалекцыі дзённага прабывання для дзяўчынак.