Мы павінны памятаць, што Пан Бог першы палюбіў нас, заўсёды першы выходзіць нам насустрач і чакае нашай любові. Што значыць любіць Пана Бога?  Многія лічаць, што гэта  прыходзіць у касцёл, удзельнічаць у Святых Імшах,  прыступаць да споведзі, рабіць добрыя ўчынкі. Усё гэта праўда.  Але перад усім, любіць Пана Бога – гэта мець для Яго час. І гэта з’яўляецца найпрасцейшым, найбольш бачным выразам любові да Пана Бога. Для сённяшняга чалавека  ўсё  важней за Пана Бога:  шматлікія абавязкі, розныя заняткі, праца. А Пан Бог стаіць у канцы даўжэзнай чаргі гэтых важных для чалавека спраў і чакае пакуль знойдзем час для Яго. Якое месца ў нашым жыцці займае Пан Бог? Цяжка ці лёгка Яго любіць? І ці здольныя мы ўвогуле палюбіць Яго? На гэтыя пытанні мы шукалі адказы разам з айцом Дзмітрыем падчас місійнай навукі (праслухаць навуку  кожнага дня магчыма будзе пасля размяшчэння  на сайце аўдыёфайлаў).

 Гэты дзень быў таксама днём споведзі, да якой мы рыхтаваліся напярэдадні ў часе набажэнства з рахункам сумлення. На працягу дня паядналася з Панам Богам у Сакраманце споведзі шматлікая колькасць парафіянаў.

Прапануем Вашай увазе запіс аўдыё-канферэнцыі: