Перыяд Адвэнту – гэта радасны час чакання на свята Божага Нараджэння. Каб добра падрыхтавацца да Нараджэння Езуса Хрыста, трэба ў Адвэнце прыкласці шмат намаганняў. Гэта добрая штодзённая малітва, гэта абавязковы ўдзел у нядзельнай Святой Імшы, гэта ўдзел у ранішніх Раратніх Святых Імшах, шчырая Споведзь, удзел у рэкалекцыях, гэта пастановы, якія павінны змяніць нашае жыццё ў лепшы бок і нашыя добрыя ўчынкі.

У часе Адвэнту адбываюцца спецыяльныя ватыўныя святыя Імшы пра Найсвяцейшую Панну Марыю, званыя Раратнімі. Гэтыя Святыя Імшы адбываюцца яшчэ да ўсходу сонца, калі на небе бачна апошняя ранішняя зорка. Таму раратнія Святыя Імшы ў нашай парафіі будуць адбывацца ў аўторак і чацвер у 6.30. Кожная Раратняя Імша будзе распачынацца ўрачыстым уваходам, з удзелам дзяцей, трымаючы ў руках адвэнтавыя ліхтарыкі. Для дзяцей набываем электрычныя ліхтарыкі. Калі дарослыя для сябе набываюць электрычны ліхтарык, то будзем старацца мець такі, каб ён больш прыпамінаў полымя свечкі. У кіосках ёсць крыху электрычных ліхтаракаў у форме свечак.

Варта абраць адну з пастановаў на Адвэнт, каб прыходзіць да касцёла не толькі па нядзелях і на Рараты, але і кожны дзень. У нашым касцёле ў буднія дні (апрача дзён, калі маем Рараты) будуць адбывацца дзве Святыя Імшы - раніцай і вечарам.

Святая Імша на гэтым тыдні адбудзецца: у панядзелак і сераду ў 9.00 і 18.00. У аўторак і чацвер Рараты ў 6.30. У  пятніцу, у абавязковую ўрачыстасць Беззаганага Зачацця Найсвяцейшай Панны Марыі, у 12.00 і 18.00. Урачыстасць “абавязковая” азначае, што вернікі маюць абавязак удзелу ў Святой Імшы, а таксама павінны ўстрымацца ад выканання неабавязковай працы. У суботу ў 10.00 (за памерлых). У наступную нядзелю: 10.00, 12.00 і ў 18.00 (з удзелам дзяцей).

Наведванне хворых адбудзецца 18 снежня з 9.00. Адрасы запісваем у сакрыстыі.

Рэкалекцыі перад святам Божага Нараджэння адбудуцца 19 і 20 снежня, аўторак і серада на 3 тыдні Адвэнту.

Заняткі па рэлігіі праводзяцца па суботах, згодна з раскладам.

З сёняшняя дня ў парафіяльным кіёску можна набыць аплаткі на вігілійны стол, свечкі на Рараты, календары на новы 2024 год. Варта паклапаціцца, каб мець каталіцкі календар у сваім доме.

Ахвяраванні за аплаткі, календары і святочныя рэчы будуць далучаныя да сродкаў на ўтрыманне нашага касцёла.

Дзякую за ахвяраванні, працу і малітвы, якімі вы спрычыняецеся да ўтрымання нашай святыні.

На гэтым тыдні Святая Імша: У панядзелак, аўторак і чацвер у 9.00. У сераду і пятніцу ў 9.00 і 18.00. У суботу, за памерлых, у 10.00. У наступную нядзелю, 1 нядзелю Адвэнту, у 10.00, 12.00 і 18.00.  У 18.00 адбудзецца першая адвэнтавая Святая Імша з удзелам дзяцей.

У першую пятніцу снежня Адарацыя Найсвяцейшага Сакрамэнта і Споведзь з 8.00 і 17.00, Святая Імша ў 9.00 і 18.00.

Заняткі па рэлігіі адбываюцца згодна з раскладам.

У кіосках можна набываць календары на новы 2024 год, электрычныя свечкі на Рараты і камплекты батарэек для свечак, якія набывалі ў мінулым годзе.

Дзякуем за ахвяраванні на ўтрыманне святыні, за працу і малітвы!

На гэтым тыдні Святая Імша: Ад панядзелка да пятніцы ў 9.00. Толькі ў сераду, ва ўспамін св. Цэцыліі, ў 9.00 і 18.00. Вячэрнюю Святую Імшу спевам упрыгожыць наш парафіяльны хор “ANGELI”. Інтэнцыяй гэтай Святой Імшы будзе малітва за ўсіх, хто спявае і грае на музычных інструментах у нашым касцёле. У суботу, за памерлых, у 10.00. У наступную нядзелю, нядзелю Езуса Хрыста Валадара Сусвету, у 10.00, 12.00 і 18.00. Традыцыйна ахвяраванні гэтага дня збіраюцца на ўтрыманне Духоўнай семінарыі ў Гродна.

У гэтым годзе наш парафіяльны хор Angeli адзначае 20-годдзе свайго існавання. У наступную нядзелю ў 10.00 разам з намі будзе святкаваць юбілей хора Ганаровы Мітрапаліт Арцыбіскуп Тадэвуш Кандрусевіч. Пастараемся сабрацца ў гэты дзень на супольную малітву падзякі разам з нашым Арцыпастырам, які так шмат, у свой час, нам дапамог, а таксама з’яўляецца сябрам нашай парфіі і нашага хора. На святкаванне Юбілею запрашаем усіх, хто калісці прыналежыў да хора.

З сёняшняга дня можна набываць календары на новы 2024 год. Пастараемся, каб у кожным каталіцкім доме быў рэлігійны календар, які мае дапамагчы перажываць літургічны год.

Дзякуем за ахвяраванні на ўтрыманне святыні, за працу і малітвы!