У сваіх навучаннях ксёндз-рэкалекцыяніст разважаў аб тым, якім павінен быць сапраўдны хрысціянін. Першая навука была прысвечана падрыхтоўцы да  споведзі. Разважанні датычыліся ўмоў споведзі і захоўвання Божых запаведзяў. Асаблівая ўвага звярталася на выкананне 1-ай запаведзі : “ Не май іншых багоў апроч мяне.”  Наступнай тэмай для разважанняў была навука аб сучаснай жанчыне, якой яна павінна быць : хрысціянка – жонка,  хрысціянка –маці.  Сэрца жанчыны Бог напоўніў пэўнымі ласкамі,  і яны павінны вучыцца карыстацца імі. У суботнюю раніцу мы вучыліся любіць Пана Бога і бліжняга, давяраць Пану Богу, быць  Яму вернымі. Кс.Аляксей разважаў таксама аб малітве, падкрэсліваючы важнасць сумеснай малітвы ў сям’і.  Апошняе навука   была прысвечана паставе мужчыны – хрысціяніна. Калі сутнасць жаночай натуры – пяшчотнасць, любоў, то мужчынскай – мужнасць, адвага. Ксёнд Аляксей заклікаў мужчын не баяцца праяўляць сваю веру,  любіць і шанаваць сваіх жонак, быць прыкладам  для  дзяцей, выхоўваць сваіх сыноў,  маліцца за жонак і дзяцей. “Будзьце  мужнымі” – паўтараў кс. Аляксей за апосталам Паўлам. 

     Час рэкалекцый праляцеў вельмі хутка. Захаваем жа ў сэрцах тое, чаму навучаў нас Пан Бог праз  кс. Аляксея, а калі захаваем, то гэта абавязкова прарасце ў нашых сэрцах і дасць плёны.