Ніхто не здольны зразумець сапраўдны сэнс свята Божага Нараджэння лепш, чым гэта зрабіла Марыя, Божая Маці. Яна, як іншы, перажыла гэта свята і мела ў сэрцы тую незвычайную радасць святой Бэтлеемскай ночы. Але ў стайні Марыя не мела прыгожай елкі, не атачалі яе шматлікія госці і сябры, якія прынеслі багатыя падарункі, не было там стала, які б “ламаўся” ад смачных страваў… Марыя мела самага галоўнага, у якім і заключаны ўвесь сэнс, Марыя трымала на руках Езуса і была шчаслівая! А гэта значыць, што сапраўдны сэнс свята Божага Нараджэння і заключаецца, каб мець Езуса ў сваім сэрцы. Толькі ў Ім мы атрымаем усё. Але перш, чым штосьці атрымаць, трэба штосьці згубіць і зрабіць месца вольным. А згубіць трэба ўсё тое, што перашкаджае нам быць блізка Бога, каб падобна тром мудрацам шукаць сапраўдны сэнс і знходзіць яго ў Тых, Хто адзіны ім з’яўляецца.