background

"Блізка ля мяне Ты, Пане..."

Давяраць Богу сваё жыццё...

"Я – дарога, праўда і жыццё..."

Яднацца ў адзіным Пану нашым, Езусе Хрысце.

Праслаўляць Бога ў Яго святыні.

Любіць адзін аднаго любоўю, якою Хрыстос любіць Свой Касцёл.

Праслаўляць Бога ў Яго святыні.

Image 4 title

type your text for 4th image here

Image 4 title
Понедельник, 25 Август 2014 21:44

"У гасцях" у Маці Божай Будслаўскай

Автор 
Оцените материал
(2 голосов)

З 18 па 23 жніўня дзеці і моладзь нашай парафіі сабраліся “ў гасцях” у Маці Божай Будслаўскай на час духоўных практыкаванняў. Падобныя рэкалекцыі ў Будславе перад пачаткам навучальнага года сталі ўжо добрай традыцыяй нашай парафіі. Дзеці і моладзь на працягу ўсяго года чакаюць гэтых незвычайных дзён, праведзеных побач з Нябеснай Матуляй у Будслаўскім Санктуарыі.

У гэтым годзе 36 дзяцей рознага ўзросту разам вучыліся быць добрымі людзьмі і сапраўднымі хрысціянамі. Рэкалекцыі праводзіў ксёндз-пробашч парафіі Аляксандр Барыла. Штодзённа ўдзельнікі рэкалекцый перажывалі Эўхарыстыю, разважалі падчас канферэнцый, слухалі Божае Слова, маліліся праз заступніцтва Божай Маці падчас таямніц Ружанца ці стацый Крыжовай дарогі. Старажытнае прыслоўе кажа, што добры хрысціянін і да танца і да Ружанца, таму кожны дзень апрача малітвы быў напоўнены вясёлымі спевамі, танцамі і рознымі цікавымі забавамі. Дзеці і моладзь мелі магчымасць праявіць свае таленты ў незвычайных спартыўных спаборніцтвах і казачных тэатральных пастаноўках. Кожны дзень удзельнікі рэкалекцый заканчвалі гімнам да Маці Божай Будслаўскай, які спявалі стоячы ў коле, у цэнтры якога знаходзіўся алтар з цудоўным абразом Божай Маці.

Незвычайным стаў вечар у чацвер, калі ў Будслаў з’ехаліся “выпускнікі” гэтых рэкалекцый, якія ў свой час таксама прыязджалі сюды ў якасці ўдзельнікаў. Некаторыя прыехалі ўжо разам са сваімі сем’ямі і маленькімі дзецьмі, а Св. Імшу ў гэты вечар цэлебраваў адзін з такіх “выпускнікоў” кс. Кірыл Бардонаў.

Рэкалекцыі ў Будславе сталі ў пэўным сэнсе школай хрысціянскага жыцця і малітвы як для самых маленькіх удзельнікаў, якія хутка працягнуць навуку ў пачатковай школе, так і для моладзі, якая закончыла школу і ў Божае Імя пачынае сваё студэнцкае жыццё. 


Прочитано 2072 раз
Адмін

Рэдакцыя сайта
 

Авторизуйтесь, чтобы получить возможность оставлять комментарии