background
Пятница, 03 Январь 2014 19:28

У Божае Імя ў Новы 2014 год

Автор 
Оцените материал
(3 голосов)

Сапраўдны хрысціянін усё пачынае і заканчвае з Богам, у Божае Імя.

 

31 снежня ў апошнія 30 хвілін 2013 года нашы парафіяне сабраліся ў святыні, каб разам з душпастырамі малітвай закончыць стары год і сустрэць новы. Малітва распачалася адарацыяй Найсвяцейшага Сакрамэнта, падчас якой усе прысутныя перапрашалі міласэрнага Бога за грахі і правіны ўсяго 2013 года, дзякавалі за ўсе атрыманыя ласкі і прасілі аб Божым благаслаўленні на надыходзячы яшчэ невядомы 2014 год.

Апоўначы ксёндз-пробашч Аляксандр удзяліў урачыстае благаслаўленне ў чатыры бакі свету. Пасля чаго адбылася Св. Імша. Напрыканцы Св. Імшы кс. Аляксандр павіншаваў усіх прысутных з Новым 2014 годам і пажадаў перажыць гэты год у сапраўднай еднасці з Богам.

Пасля Эўхарыстыі моладзь і ўсе жадаючыя накіраваліся ў парафіяльны дом, каб правесці навагоднюю ноч разам у духу сапраўднай радасці. Асаблівы святочны настрой стварыў арганізаваны баль-маскарад.

 

 


Прочитано 1206 раз