«Стаўшы бацькамі, сужэнцы атрымліваюць ад Бога дар новай адказнасці. Іх бацькоўская любоў павінна стаць для дзяцей бачным знакам той самай любові Бога, „ад якой бярэ назву ўсялякае бацькоўства на небе і на зямлі”». (Familiaris consortio 15)

Праз Марыю памнож нашу веру, Пане (пар. Лк 17, 5)

«Чалавечае жыццё з моманту зачацця павінна абсалютна шанавацца і абараняцца. Ужо з першых хвілін свайго існавання чалавечая істота павінна мець прызнаныя правы асобы, сярод іх непарушнае права кожнай бязвіннай істоты на жыццё» (KKK).

ПРЫЙШОЎ ЧАС НАВЯРТАННЯ

«Просьба Езуса да самаранкі: „Дай Мне піць“ (пар. Ян 4, 7), якая гучыць у літургіі трэцяй нядзелі Вялікага посту, выражае прагненне кожнага чалавека — прагненне Бога — і хоча абудзіць у нашым сэрцы жаданне дару крыніцы „вады, якая цячэ ў жыццё вечнае“ (пар. Ян 4, 14): гэта дар Духа Святога, які робіць хрысціянаў „сапраўднымі вызнаўцамі“, якія „будуць пакланяцца Айцу ў Духу і праўдзе“».